Nú streyma umsóknir um dvöl í Skólabúðunum fyrir næsta skólaár og ljóst að skólarnir ætla að leita allra leiða til að koma til í Skólabúðirnar þótt niðurskurðar öxinni sé víða beitt til hinns ítrasta. Við erum virkilega ánægð með viðbrögð skólanna og ljóst að þetta er orðin ríkur þáttur í skólastarfi fjölmargra skóla, sem segir okkur að við erum á réttri leið í okkar starfi. Karl og Halldóra hvetja skólastjóra til að hafa samband við sig áður en þeir ákveða að hætta við að koma því það eru ýmis úrræði, sem hægt er að leita í áður en til þess kemur að hætta við komu í Skólabúðirnar. Hægt er að hafa samband í gegnum netpóst og svar berst um hæl, eða eins fljótt og auðið er. Látum ekki kreppuna bitna á börnunum, sem eiga engan hlut að máli ! Skólabúðirnar eru komnar til að vera !

Núna er starfsemi Skólabúðanna komin í fullan gang eftir jólafrí. Fyrstu hóparnir komu til okkar 5. janúar og eru það Kársnesskóli og Borgaskóli. Einhverjir skólar hafa hugleitt það að koma ekki í vetur vegna niðurskurðar í skólakerfinu, en það eru sem betur fer bara örfáir skólar sem hafa hætt við að koma. Við sem stöndum að rekstri Skólabúðanna teljum að hafi einhverntíman verið þörf fyrir svona starfsemi eins og skólabúðir eru, þá sé það núna. Við hlökkum til að sjá sem flest börn hér í vetur og vonum að ástandið í þjóðfélaginu hafi sem minnstar afleiðingar á komu skólanna til okkar.Á næstu dögum sendum við út umsóknir fyrir næsta skólaár og vonumst eftir góðum og skjótum viðbrögðum við því. Við óskum öllum gæfu og góðs gengis á nýju ári. Starfsfólk Skólabúðanna.

Nú erum við komin í jólafrí eftir skemmtilegt og annasamt haust. Á haustönn hafa komið 42 skólar til okkar og eru það Grunnskólinn í Grindavík og Hvaleyrarskóli sem síðastir fóru frá okkur fyrir jól.